Gjatë ditës së sotme në Kosovë ka ndodhur një rekord sa i përket numrit të të infektuarve me Covid19.
Pas rritjes së këtij numri ka reaguar zyrtari i LDK-së, ish deputeti i Kosovës, Naser Rugova.
Ai përmes një postimi në Facebook, thotë se tashmë i kemi dy rrugë; ose respektim të masave ose kthim në izolim.
Postimi i plotë:
Të dashur miq,
Sot IKSHP raportoj për një numër të madh të rasteve pozitive me COVID 19. Vërtetë është koha e fundit për vetëdije dhe përgjegjësi të lartë qytetare. Ky virus përveq që po merr jetë, po e dëmton shëndetin tonë e ka dërmuar ekonominë, bizneset dhe mirëqenien tonë!
I kemi dy rrugë: O respektim të masave të parapara nga institucionet dhe futje nën kontrollë të pandemisë me kthim gradual në normalitet o kthim në izolim si deri me 4 maj që nënkupton kthim mbrapa dhe kollaps në të gjitha fushat e jetës! Këtë të dytën nuk do e dëshiroja kurrë!
Mekanizmat e shtetit të jenë dukshëm më rigoroz, përndryshe po na zuri vala e dytë në vjeshtë me këto statistika prognozat janë shumë shqetësuese!
#mbajmaskëmbajdistancëruajvetenfamiljenrrethindheshoqërinë!