Kryeministri, Avdullah Hoti, ka falenderuar të gjithë deputetët për miratimin e marrëveshjeve ndërkombëtare.
Hoti ka treguar se këto marrëveshje ndihmojnë në zbatimin e programit për rimëkëmbje ekonomike, shkruan “Bota Sot”.
Kryeministri, ka shtuar se pret që të miratohet edhe rishikimi i buxhetit.
Postimi i plotë:
Falënderoj të gjithë deputetët, të koalicionit qeverisës dhe të opozitës, për miratimin e marrëveshjeve ndërkombëtare. Këto marrëveshje ndihmojnë në zbatimin e programit për rimëkëmbje ekonomike.
Pres që në ditët në vijim të miratohen edhe rishikimi i buxhetit dhe ligji për rimëkëmbjen ekonomike, duke e kompletuar kështu të gjithë bazën ligjore për rimëkëmbjen ekonomike, që është shumë e nevojshme për qytetarë dhe biznese.
Qeveria do të bëjë maksimumin që sa më parë të nis zbatimin e masave për rimëkëmbje ekonomike, me transparencë të plotë dhe në koordinimin me të gjithë akterët e tjerë, komunat, odat ekomomike, partnerët zhvillimorë etj.