Thaçi shkon për ngushëllime në familjen Kryeziu, ndan “Urdhërin e Pavarësisë”

Biznesmeni, Latif Kryeziu, ditë më parë ka ndërruar jetë, pas humbjes së betejës me virusin korona.

Kurse, sot presidenti, Hashim Thaçi, ka shkuar tek familja Kryeziu për të shprehur ngushëllime, shkruan “Bota Sot”.

Këtë e ka bërë të ditur presidenti përmes një postimi në rrjete sociale, ku ka thënë se, Latif Kryeziu ishte një mik i vjerër.

Për kontributin e Kryeziut në procesin e lirisë dhe pavarësisë së Kosovës, Thaçi ka ndarë “Urdhërin e Pavarësisë”.

Postimi i plotë:

Isha për ngushëllime në familjen Kryeziu për ta ndarë dhimbjen së bashku, pas vdekjes së biznesmenit Latif Kryeziu, mikut tim për më tepër se dy dekada. Për kontributin e tij në procesin e lirisë dhe pavarësisë së Kosovës, pas vdekjes, për z. Kryeziu ndava Urdhrin e Pavarësisë.