Deputetja e LDK-së, Valentina Bunjaku-Rexhepi, ka reaguar pas vrasjes që ndodhi sot në fshatin Berivojcë, ku një burrë dyshohet të ketë vrarë gruan e tij.
Ajo këtë rast e ka cilësuar si tragjedi e shumëfishtë për krejt Kosovën, duke bërë thirrje që kjo dukuri të luftohet urgjentisht.
Postimi në Facebook:
Lajmi i sotshëm se një grua përfundoi jetën nga një burrë, është tragjedi e shumëfishtë për krejt Kosovën: vrasjet vazhdojnë, dhuna vazhdon dhe trajtimi i tillë i gruas në shtëpi është shndërruar në dukuri që duhet të luftohet urgjentisht. Prandaj, duhet rimobilizim i gjykatave, prokurorisë dhe policisë në trajtimin adekuat të dhunës në familje, ndërsa të shtohen dhe të zbatohen dënimet e rënda ndaj të gjithë atyre që bëjnë vepra të rënda penale. Stop, stop, stop!