Ministri i Punëve të Brendshëme, Agim Veliu sot ka pritur në takim Kordinatorin Shtetëror për Dialog, z. Skender Hyseni, me të cilin kanë biseduar për procesin e dialogut mes Kosovës dhe Serbisë.
Ai ka thënë se kanë biseduar për përgatitjet që po i bënë Republika e Kosovës në ballafaqimet që do t’i ketë në dialogun me Serbinë si dhe aspektet e ndryshme të sigurisë që lidhen drejtpërdrejtë me procesin e negociatave, transmeton “Bota sot”.
Sipas tij institucionet e Kosovës, janë të përkushtuara në punën që po bëjnë me qëllim që pas negociatave të arrihet deri tek marrëveshja finale mes dy shteteve.
Postimi i plotë:
Sot, prita në takim Kordinatorin Shtetëror për Dialog, z. Skender Hyseni, me të cilin diskutuam për procesin e dialogut mes Kosovës dhe Serbisë.
Biseduam për përgatitjet që po i bënë Republika e Kosovës në ballafaqimet që do t’i ketë në dialogun me Serbinë si dhe aspektet e ndryshme të sigurisë që lidhen drejtpërdrejtë me procesin e negociatave.
Bashkë vlerësuam se institucionet e Kosovës janë të përkushtuara në punën që po bëjnë me qëllim që pas negociatave të arrihet deri tek marrëveshja finale mes dy shteteve, e që është njohja reciproke dhe normalizimi i marrëdhënieve.
