Kryetari i komunës së Drenasit, Ramiz Lladrovci është vetë izoluar, pas shfaqjes së disa simptomave të COVID-19.
Lladrovci ka njoftuar me anë të një postimi në Facebook, se ka rezultuar pozitiv në testin e Covid-19.
Gjithashtu ka treguar se ka vetëm temperaturë të lartë dhe asnjë simptomë tjetër, transmeton ''Bota sot''.
Postimi i plotë në Facebook
Qytetarë të nderuar,
Mora njoftimin nga IKShPK se testi im për covid-19, është pozitiv. Kam pak temperaturë, pa shenja tjera. Ndjehem mirë.
Izolimi im vijon në pajtim me rekomandimet e institucioneve shëndetësore deri në shërimin e plotë.
Respektoni rekomandimet e IKShPK dhe të institucioneve tjera relevante.
Bartni maskën, ruani distancën, mbani higjienën!
