Edhe Faton Kurti, kryetar i Republikanëve të Kosovës, ka reaguar pas përplasjes fizike mes deputetit të Lëvizjes Vetëvendosje Gazmend Gjyshinca dhe atyre të Lidhjes Demokratike të Kosovës Arben Gashi e Kujtim Shala.
Kurti i ka quajtur deputetët “rrugaçë”, duke thënë se ata nuk i sollën asnjë të mirë vendit, përveçse korrupsion, nepotizëm dhe debate boshe në Kuvend, përcjell Bota sot.
Sipas tij, populli i bëri deputetë “llumin” e shoqërisë.
Reagimi i plotë i Kurtit në Facebook:
Qytetarë të dashur, me Votën tuaj të "shenjtë" i votuat dhe i bëtë Deputetë të Kuvendit të Kosovës llumin e shoqërisë tonë! Këta rrugaçë nuk i sollën asgjë të mirë vendit, përveçse korrupsion, nepotizëm dhe debate boshe në Kuvend a thua se janë nëpër mëhalla ku i "lajnë e i shpërlajnë rrobat e tyre të palara"!
Deri kur doni me sy në ballë të vrisni veten dhe të ardhmen e fëmijëve tuaj me votën tuaj të "shenjtë"?