Kryetari i Aleancës Kosovare të Bizneseve, Agim Shahini, ka mirëpritur vendimin për uljen e sigurimit kufitar nga BQK.
"AKB e mirëpret vendimin për realizimin e premtimit të qeverisë për mbulimin e Policave të Sigurimit nga ministria e financave për të gjitha veturat e bashkatdhetarëve tonë që sivjet do të vinë në vendlindjen e tyre ,në Republiken e Kosovës për të cilën po investojnë vazhdimisht shumë qindra miliona. Mërgimtarët tonë nga ky vendim shtetëror konkret do të kursej mbi 1 milion euro por edhe do të shkurtohen procedurat dhe pritjet kufitare. Qeveria duhet të vazhdojë me vendime për të lehtësuar jeten e qytetarëve , bashkatdhetarëve dhe bizneseve të Kosovës",tha Shahini.