Kryeministri i Kosovës, Avdullah Hoti, ka shkruar në Facebook se, “kemi arritur marrëveshjen për Kartonin e Gjelbër”.
Ai shkruan tutje se qeveria ka marrë përsipër mbulimin e plotë të primit të sigurimit kufitar për palët që janë subjekt i policës kufitare dhe vijnë në Kosovë gjatë vitit 2020.
“Mirë ardhshi bashkatdhetarë! ❤️
Kemi arritur marrëveshjen për Kartonin e Gjelbër! Qeveria e Kosovës ka marrë përsipër mbulimin e plotë të primit të sigurimit kufitar për palët që janë subjekt i policës kufitare dhe vijnë në Kosovë gjatë vitit 2020!
?? Ministrja Hykmete N. Bajrami ??
https://mf.rks-gov.net/page.aspx?id=1,2,948”, ka shkruar Hoti.
Mirëpo lidhur me këtë ka reaguar deputetja e VV-së, Fitore Pacolli, e cila e ka quajtur hipokrit Hotin.
Ajo thotë se LDK votoi kundër Amandamentit për Kartonin e Gjelbër por Hoti po tenton t’a paraqes si arritje të tij.
“Çfarë hipokriti! LDK votoi kundër Amandamentit për Kartonin e Gjelbër por "akademiku" duhet me u ngut me paraqit si arritje të tij ?♀️.
Rikujtojmë që ky ishte vendim i Qeverisë Kurti dhe tani propozim i Grupit Parlamentar të Lëvizjes VETËVENDOSJE!.
#LëvizjaVETËVENDOSJE”, ka shkruar Pacolli në Facebook.
