Ish deputetja e Lëvizjes Vetëvendosje, Drita Millaku, përmes një postimi në Facebook, ka thënë se Qeveria Kurti kishte paraparë në kuadër të Pakos së Rimëkëmbjes Ekonomike që të eliminojë pengesën e vazhdueshme për bashkatdhetarët përmes “Kartonit të Gjelbër”, duke dëshmuar përkushtimin që të ndjehen dhe të jenë pjesë e atdheut.
Sipas saj, me propozim të Grupit Parlamentar të Lëvizjes VETËVENDOSJE! hiqet barriera për mërgatën përmes “Kartonit të Gjelbër”.
“Është përgjegjësi dhe obligim për Kosovën që të mirëpres bashkatdhetarët, duke hequr çfarëdo pengese. Mërgata ka dhënë dhe vazhdon të jap kontribut të jashtëzakonshëm për vendin. Ata janë dhe duhet të trajtohen si shtetas të Kosovës”.
Postimi i plotë:
Me propozim të Grupit Parlamentar të Lëvizjes VETËVENDOSJE! hiqet barriera për mërgatën përmes “Kartonit të Gjelbër”.
Qeveria Kurti kishte paraparë në kuadër të Pakos së Rimëkëmbjes Ekonomike që të eliminojë pengesën e vazhdueshme për bashkatdhetarët përmes “Kartonit të Gjelbër”, duke dëshmuar përkushtimin që të ndjehen dhe të jenë pjesë e atdheut. Bashkatdhetarët për një kohë të gjatë janë trajtuar si të huaj në vendin e tyre, duke u plaçkitur përmes “Kartonit të Gjelbër”.
Këtë planifikim të Qeverisë Kurti e kishte hequr Qeveria jolegjitime Hoti në rishikimin e buxhetit për vitin 2020. Megjithëkëtë, me propozim të deputetit të Lëvizjes VETËVENDOSJE! z. Hekuran Murati, Kuvendi i Kosovës sot votoi amendamentin me të cilin përfshihen në buxhetin e këtij viti mjetet financiare që mundësojnë mbulimin e shpenzimeve nga “Kartoni i Gjelbër” pa ngarkuar bashkatdhetarët që vizitojnë Kosovën.
Gjatë këtyre viteve, shpesh është̈ premtuar zgjidhje për “Kartonin e Gjelbër”, por asnjëherë nuk kemi pasur hapa konkret në këtë drejtim. Por, pas vendimit të Qeverisë Kurti dhe sot pas amendamentit të propozuar nga Grupi Parlamentar i Lëvizjes VETËVENDOSJE! hiqet obligimi që mërgata të paguajë në kufi sa herë që hynë në Kosovë. Fatkeqësisht, deputetët e Grupit Parlamentar të LDK-së nuk e përkrahen këtë amendament, me pretendimin që të mbetet në fuqi praktika e mëparshme për detyrimin e bashkatdhetarëve që të paguajnë hyrjen në Kosovë.
Është përgjegjësi dhe obligim për Kosovën që të mirëpres bashkatdhetarët, duke hequr çfarëdo pengese. Mërgata ka dhënë dhe vazhdon të jap kontribut të jashtëzakonshëm për vendin. Ata janë dhe duhet të trajtohen si shtetas të Kosovës.
