Gjatë 24 orëve në Kosovë, janë regjistruar 258 raste pozitive me Koronavirus, derisa 16 persona të tjerë kanë humbur jetën.
Lëvizja Vetëvendosje për këtë, po e fajëson edhe ministrin e Shëndetësisë Armend Zemajn. Zëdhënësi për media në VV Arlind Manxhuka, ka thënë se Zemaj duhet të dorëhiqet, përcjell Bota sot.
Sipas tij, Zemaj nuk ka lidhje me menaxhimin e pandemisë, nuk ka njohuri dhe as ndjesi për këto raste.
Postimi i plotë i Manxhukës në Facebook:
Është njerëzore me kërku dorëheqjen e këtij ministri që përveçse nuk ka njohuri, as ndjesi nuk ka. 16 vdekje për një ditë, 258 raste të reja.
Derisa nuk ka vaksinë, lufta me pandeminë i përket sa shkencës, sa menaxhimit. Ky nuk ka lidhje me menaxhim.
