Flasin familjarët e të riut nga Kamenica që vdiq nga Covid-19: Nuk vuante nga ndonjë sëmundje tjetër, por...

Aktuale

Flasin familjarët e të riut nga Kamenica që vdiq nga Covid-19: Nuk vuante nga ndonjë sëmundje tjetër, por...

Më: 30 korrik 2020 Në ora: 20:45
I riu që ushtronte profesionin e arkitektit u varros nën dhimbjen e madhe të familjarëve.

Familjarët e Bersant Rahimajt thonë se i riu nga Kamenica nuk kishte asnjë sëmundje.

Pas 10 ditësh luftë me Covid 19, Bersant Rahimaj nuk i mbijetoi kësaj sëmundje.

Trupi i pajetë i 27 vjeçarit nga Kopernica e Kamenciës u soll nën mbikëqyrjen e policisë në varrezat e fshatit, një ditë pasi vdiq në Klinikën e Mjekësisë Sportive si pasojë e koronavirusit.

I riu që ushtronte profesionin e arkitektit u varros nën dhimbjen e madhe të familjarëve.

Në ceremoninë e varrimit që ishte caktuar në kohë të faljes së drekës, të pranishmit u udhëzuan të mbajnë distancën.

Pasi iu dha lamtumira Bersantit, vëllai i tij Burim Rahimaj tha se ai nuk kishe asnjë sëmundje tjetër.

Sa i përket trajtimit, ai pohon se janë të kënaqur me punën e profesionistëve shëndetësor në Mjekësinë Sportive, ku Bersani ka qëndruar në intubim për 8 ditë.

Por ai shpreh pakënaqësi në lidhje me testimin e vëllait të tij të ndjerë.

Bersanti Rahimaj para se të trajtohej në QKUK ishte mjekuar edhe në Gjilan, ku përnjëherë i ishte vështirësuar gjendja duke rënë në komë.

I pari i Kamenicës, Qendron Kastrati pohon se Bersanti ishte më i riu në mesin e të infektuarve me Covid 19 në Kamenicë.

Pas varrimit, për shkak të parandalimit të përhapjes së virusit korona, familja dhe përfaqësuesit fetar pohuan se nuk do të hapen dyert për ngushëllime.

commentFirst article
Sot mund të lexoni Shfletoni kopertinat