Ministri i Ekonomisë dhe Ambientit, Blerim Kuçi ka thënë në Interaktiv se kompania e tij e ka fituar me meritë tenderin.
I pyetur rreth kësaj gjëje, ai ka thënë se tenderi është fituar "në mënyrën më të rregullt të mundshme".
"I bie që një kompani e dikujt në Aleancë e ka fituar nga partia? Jo, e kemi fituar në formën më të rregullt të mundshme", ka thënë ai.
Ai ka thënë se buxheti në fakt i është hequr nga Qeveria Kurti.
"E para, ajo e ka pasur buxhetin e vet, në fakt i është hequr në Qeverinë Kurti, rreth 1 milion. Ekziston kontrata, janë punët në proces, rreth 70 apo 80 për qind të punëve janë kryer. Pra, Qeveria Kurti e ka larguar atë buxhet", ka thënë ai.
Ka shtuar se ka një kontratë obligative, në proces të vijimit të punëve.
Kuçi ka thënë se buxheti është hequr në kohën e Qeverisë Kurti, për një kontratë të bërë, në kuadër të së cilës punët kanë shkuar në vazhdim dhe i është kthyer një pjesë e buxhetit.