Mimoza Kusari-Lila reagon për statusin e Isa Mustafës, Besa Gaxherri i thotë “po na humb kohën”

Aktuale

Mimoza Kusari-Lila reagon për statusin e Isa Mustafës, Besa Gaxherri i thotë “po na humb kohën”

Më: 3 gusht 2020 Në ora: 22:39
MImoza Kusari-Lila

Deputetja e Grupit Parlamentar të Vetëvendosjes, Mimoza Kusari-Lila ka reaguar ndaj statusit të Isa Mustafës ku ky i fundit hedha akuza ndaj saj.

Kusari-Lila në një videolidhje në “Debat Plus” ka thënë se Isa Mustafa po dëshmohet se nuk mund të kontrollojë gjuhën e tij.

“Zoti Mustafa nuk po mundet të përballet me oponencën që po i bëhet të deleguarit të tij në postin e kryeministrit që është zoti Hoti”, tha Kusari-Lila.

Deputetja opozitare thotë se e ka thënë shumë herë se kjo qeveri nuk ka legjitimitet dhe se nuk ka pasur asgjë me Avdullah Hotin që i ka përmendur dorëheqjen.

“Komenti im nuk ka pasur të bëjë asgjë me aspektin individual me kryeministrin dhe nuk lidhet me infektimin e tij me COVID-19”, u shpreh ajo.

Mirëpo derisa deputetja e Vetëvendosjes po fliste ka ndërhyrë Besa Gaxherri e LDK-së e cila i ka ndërprerë fjalimin Kusarit.

“Ermal nëse na ke ftuar neve na jep kohën. Ajo çfarë ka pasur të thotë e ka thënë, të mos na humb kohën. E kemi në studio përfaqësuesen e Vetëvendosjes dhe s’kemi nevojë të dëgjojmë atë [Kusari-Lilën]”, i është drejtuar Gaxherri drejtuesit të “Debat Plus” duke penguar më tej deputeten e Vetëvendosjes të vazhdojë fjalën.

Shfaq komentet
comments powered by Disqus
Sot mund të lexoni Shfletoni kopertinat