Deputetja nga rradhët e VV, Fitore Pacolli, ka shkruar se çdo ditë po dëshmohet se kjo qeveri është qeveri koti.
Pacolli ka thënë se Hoti është bërë kryeministër duke uzurpuar institucionet e qeverisë, shkruan “Bota Sot”.
Ajo ka vazhduar akuzat duke thënë se tani kryeministri ka ikur edhe nga përgjegjësia mbi menaxhimin dhe kontrollimin e çerdheve private.
Postimi i plotë:
Çdo ditë me vendimet e tij ad hoc po dëshmon se qeveria e tij është qeveri koti. U bë kryeministër duke uzurpuar institucionet qeverisëse të shtetit por nuk po arrin dot t'i udhëheq ato. Për të ruajtur pak fytyrë, nëse i ka mbetur ende, ka filluar të ikën përgjegjësive e detyrave që kanë peshë.
Tha unë jam kryeministri dhe udhëheqi me dialogun. Pak ditë pas u tërhoq dhe vendosi në krye një marionetë të Thaçit që vepron sipas urdhërave të Vuqiçit.
Tani paska ikur edhe nga përgjegjësia që ka mbi menaxhimin dhe kontrollimin e çerdheve private. Këtë përgjegjësi ua ka lënë komunave që në rast se ndodh përhapja e virusit në ndonjë çerdhe përgjegjësia të bie mbi komunat e jo mbi qeverinë. E nëse nuk ka ndojnë shpërthim të pandemisë ngutet e i merr meritat.
Si mund një komunë të marr këtë përgjegjësi kur nuk ka asnjë kompetencë në hapjen/mbylljen, mbikëqyrjen, regjistrimin dhe licencimin e tyre?!
kryeministri që ikën nga përgjegjësia duhet menjëherë të ikën edhe nga Kryeministria.
Tha unë jam kryeministër... ndërsa ne kemi nevojë më shumë se kurrë për një KRYEMINISTËR.