Kryetari i Aleancës për Ardhmërinë e Kosovës, Ramush Haradinaj po ankohet se ka mbetur pa punë.
Për Haradinajn të jesh kryetar partie nuk është një vend pune, mirëpo i bie të jesh i angazhuar dhe i papunë.
“Unë sot jam i papunë, personalisht nuk jam as deputetet, jam kryetar partie, kam angazhim por se kam një vend pune”, tha Haradinaj.
Haradinaj këto komente i bëri në RTV Dukagjini teksa arsyetoi përfshirjen e partisë në koalicion me LDK’në për formimin e Qeverisë Hoti.
Kreu i AAK’së thotë se hyn në koalicion për të shpëtuar Kosovën e cila u gjet në një kohë të vështirë përballë pandemisë, e cila po rrezikon seriozisht ekonominë e vendit dhe njerëzit e vendit.
Ai tha po ashtu se si gjithë njerëzit edhe ai frikësohet nga virusi COVID-19, sipas tij nuk duhet bllokuar e gjithë jetesa, por që njerëzit duke pasur kujdes vazhdojnë edhe jetën.
Ish-kryeministri tha se është absurde të mos lejohet qarkullimi pas orës 22:30, pasi njerëzit automatikisht po detyrohen të mblidhen më tepër para kësaj ore dhe është pro-mbajtjes së dasmave në Kosovë.
