Nisma Social Demokrate e Kosovës, e cila është pjesë e koalicionit qeverisës, ka reaguar pasi Vetëvendosje ka njoftuar se ka iniciuar mocionin e mosbesimit ndaj Qeverisë Hoti.
Endrit Shala anëtarë i kryesisë së Nismës, ka thënë për se ata nuk e përkrahin këtë mocion.Shala i cili ka qenë ministër dhe deputetë e ka vlerësuar se është e drejtë e Vetëvendosjes që të nisë procedura të tilla.
“Ata kanë të drejtë të bëjnë një gjë të tillë, por që Nisma nuk e përkrahë mocionin e Vetëvendosjes”, është shprehur Shala.
Ndryshe të mërkurën, Jakup Krasniqi që është Kryetar i Këshillit Kombëtarë të Nismës, ka shprehur pa kënaqësitë e tij lidhur me mënyrën se si po e drejton kryeministri Hoti dialogun, duke përmendur edhe mundësinë e zgjedhjeve të jashtëzakonshme.
Vetëvendosje të enjten përmes një konference për media ka njoftuar se ka iniciuar mocionin e mosbesimit ndaj Qeverisë Hoti.
Ndërsa, PDK ka bërë të ditur se janë njoftuar nga VV për këtë iniciativë, por që vendimi do të shqyrtohet nga kryesia.
