Kosova po vazhdon përballjen e vështirë me pandeminë e COVID-19.
Vetëm dje janë konfirmuar 190 raste të reja, ndërsa kanë humbur jetën 12 pacientë me COVID-19.
Ndonëse në dy ditët e fundit ka pasur rënie të lehtë të numrit të të infektuarve, shqetësuese mbetet bilanci i viktimave.
Nga e hëna në Kosovë kanë vdekur 66 pacientë si pasojë e COVID-19.
Numri i rasteve të konfirmuara deri sot në Kosovë ka arritur në 10 mijë e 59, teksa nga to 3 mijë e 942 janë ende aktive.
Nga fillimi i pandemisë, në Kosovë janë testuar 40 mijë e 184 persona si të dyshuar me koronavirus.