Ish-deputeti i Kuvendit të Kosovës Labinot Tahiri, sërish ka folur për Koronavirusin.
Ai ka thënë se gjatë javës së ardhshme, do të licencohen 100 klinika private, për të bërë testet e Covid-19.
Por, Tahiri është shprehur i shqetësuar për pagesën prej 10 eurosh, që duhet ta bëjnë qytetarët, për testin e Covid-19, përcjell Bota sot.
Ai ka pyetur se nga do t’i marrin qytetarët ato para.
Reagimi i plotë i Tahirit në Facebook:
Mirëdita të dashur qytetarë!
Bëhuni gati, gjatë javës së ardhshme, po flitet në mediume, se afro 100 klinika private do tê marrin licencën për t'ua bërë testin e Covid19, qytetarëve të vendit tonë!
Shtrohet pyetja, a ua paguan qeveria pagesën prej 10€ e më shumë, apo ju duhet të paguani nga xhepat e babës e të nënës, e nga pensioni i tyre?
Ndoshta edhe nga rrogat e juaja, ku nuk e dini kah me i nda ato pak para?
Paramendoni po të vijë edhe vaksina për ta paguar, pastaj kalkuloni sa anëtarë jeni në shtëpi, e sa duhet të paguani...?!
Pra, nuk po shohim këtu aspak humanizëm!
Thjesht po shkruaj për hallin tuaj, për asgjë tjetër!
Kujdes po, Panik jo.
Ma bëni hallall!
Labi-FKSH
