Ramadani: Nëse qytetarët do t’i respektonin rregullat, nuk do të na duhej ndihma e policisë

Aktuale

Ramadani: Nëse qytetarët do t’i respektonin rregullat, nuk do të na duhej ndihma e policisë

Më: 10 gusht 2020 Në ora: 15:00
Naser Ramadani

Komisioni për Shëndetësi i Kuvendit të Kosovës po mbanë dëgjim publik lidhur me ligjin kundër pandemisë së koronavirusit.

Para të pranishmëve ka folur edhe drejtori i IKSHPK-së, Naser Ramadani.

Duke folur për këtë ligj, ai tha se është i limituar sa i përket asaj që është në synim të arrihet.

“Është një ligj shumë i limituar sa i përket asaj që duam të arrijmë. Rekomandimet bazohen në dy koncepte. Shtylla e parë janë qytetarët, të cilëve u kemi dhënë rekomandimet që konsistojnë në mbajtjen e maskës, higjienës dhe distancës. Nëse do të realizoheshin në tërësi, ne do të ishim të stërknaqur sepse pandemia do të zhdukej”, tha Ramadani.

Ai foli edhe për respektimin e masave në fuqi kundër koronavirusit, të cilat sipas tij nëse do të respektoheshin, s’do të kishte nevojë për ndërhyrjen e policisë.

“Natyrisht se në asnjë vend qytetarët s’mund t’i respektojnë në përpikmëri masat për arsye objektive dhe subjektive . Nëse qytetarët do t’u përmbaheshin masave, nuk do të kishte fare nevojë për intervenim të policisë dhe inspektoratit”, tha ai.

Shfaq komentet
comments powered by Disqus
Sot mund të lexoni Shfletoni kopertinat