Anesteziologu, Lulzim Emini, ka folur për rolin e anesteziologëve në vendin tonë, sidomos që nga koha kur ka filluar pandemia e koronavirusit.
Ai u shpreh se vendet e rajonit qëndrojnë më mirë se ne sa i përket numrit të anesteziologëve dhe se kjo mungesë ishte e pranishme edhe para pandemisë.
Emini u shpreh se janë gjithsej 14 mjekë të këtij profili që janë infektuar me COVID-19, dhe për shikuesit tanë e tregoi edhe rastin kur atij dhe rreth 10 kolegëve të tij i është dashur që për mbi pesë orë ta operojnin një paciente të konfirmuar me këtë infeksion.
