Deputetja nga radhët e PDK-së, Ariana Muslio-Shoshi përmes një shkrimi në facebok ka shkruar në lidhje me ditën e të rinjve.
Muslio-Shoshi shprehët me plotë pozitivitet për të rinjtë e Kosovës duke thënë që të rinjtë e vendit tonë janë shumë të talentuar mirëpo kufizimi i lëvijzës së lirë ka bërë që vendin se ku duan të studiojnë ta mendojn pasiqë BE ende nuk ka dhënë një zgjidhje.
Ky diskriminim duhet të përfundojë njëherë e mire shkruan më tej deputetja, transmeton “Bota sot”.
Postimi i plotë
Të rinjtë e përbëjnë numrin më të madh të popullsisë në Kosovë. E si të tillë vazhdojnë të përballen me pamundësi të shumta.
Të rinjtë tanë janë të talentuar dhe me plot energji për ta zhvilluar vendin e tyre.
Në Ditën Ndërkombëtare të Rinisë duhet të kërkojmë e të punojmë bashkë që atyre t'u sigurohen nevojat bazike për qasje në arsim dhe shëndetësi, që t'u ofrohet përfshirje më e madhe në vendimarrjen politike për çështjet që i preokupojnë. Ata duhet të kenë mundësi të zgjedhin vendin se ku do të mësojnë, studiojnë dhe punojnë.
Por, të rinjtë tanë nuk mund t'i shfrytëzojnë mundësitë që i ofron bota, sepse u mohohet lëvizja e lirë, një e drejtë bazike universale.
• Ata e humbin mundësinë për t'u shkolluar e për të sjell përvojën perëndimore sepse u kërkohet vizë për të kaluar kufirim.
• Ata e humbin mundësinë për të punuar gjatë punëve sezonale sepse sërish u kërkohet vizë për të udhëtuar.
Ky diskriminim duhet të përfundojë njëherë e mirë. Kosova sa më parë duhet ta gëzojë liberalizimin e vizave në mënyrë që të jenë të barabartë me të rinjtë evropianë.
