Pasi shpalli kandidaturën për postin e Presidentit, Ramush Haradinajt po i vijnë goditjen e njëpasnjëshme.
Kësaj radhe, ka reaguar edhe Ehat Miftaraj, i cili paksa me ironizem ka thënë se Haradinaj mjaftë është sakrifikuar për Kosovën dhe nuk ka nevojë që më të sakrifikohet edhe për pesë vite të tjera në postin e Presidentit.
“Ramush Haradinaj mjaftueshëm ka punuar dhe sakrifikuar për Kosovën. Nuk ka nevojë të sakrifikohet edhe për pesë vite në pozitën e Presidentit”, shkruan Miftaraj në Facebook, përcjell gazeta “Bota sot”.
Ai madje ka kërkuar që të shijon pasurin e fituar me sakrificë pasluftës.
“Koha është që ta shijoj pasurinë dhe të mirat e bollshme që ka kursyer nga sakrificat e tij pas luftës. Pusho, kënaqu dhe jeto jetën. Mirë për ty e shumë më mirë për popull”, ka përfunduar shkrimin e tij Ehat Miftaraj.