Po vazhdon të bie numri i të prekurve me Koronavirus në Kosovë. Gjatë 24 orëve të fundit, janë regjistruar 145 raste të reja të infeksionit, ndërsa kanë vdekur 9 persona.
Por, në rënien e numrit të të infektuarve, po dyshon analisti politik Faton Mehmeti. Ai ka thënë se shifrat e fundit që po publikohen nga Instituti i Shëndetësisë Publike të Kosovës, po bëhen me prapavijë politike.
Sipas tij, kjo po bëhet për t’ia dhënë qeverisë të drejtën për hapjen e shkollave, përcjell Bota sot.
Reagimi i tij në Facebook:
Dyshoj shumë në shifrat e fundit që po publikohen nga IKSHPK.
Publikimi i rënies së numrit të të prekurve me Covid-19, besoj se bëhet me prapavijë politike, për t'i dhënë qeverisë " të drejtë" në hapjen e shkollave.
S'ka mundësi të ketë rënie, përderisa janë shtuar testimet edhe në ordinanca private.
Kosova, vendi ku edhe me vdekjen bëhet politikë.
