Sipas kryetarit të Komunës së Deçanit, Bashkim Ramosaj, me kërkesë të kryeministrit Avdullah Hoti, Ambasadave të huaja në vend dhe KFOR’it janë pezulluar përkohësisht punimet në rrugën Deçan-Plavë.
“Mbrëmë në orët e vona ne kemi vendos sipas kërkesës së kryeministrit Hoti që me i pezulluar punimet dhe po ashtu sot në orën 13:00 i kemi pezulluar këto punime edhe me insistimin e shumë ambasadave dhe të gjeneralit të KFOR’it me qëllim që me jep një hapësirë kohore deri ditën e hënë ku më kanë premtuar se do e zgjidhin këtë kontekst”, tha Ramosaj për mediat në Kosovë.
E pas publikitmit të këtij lajmi, ka reaguar ashpër aktori i njohur, Çun Lajçi.
“Ç'te duhen bisedimet kur s'guxon fjalën me ia kthye Vuçit, he mjerë ne e mjerë ti! Ç'te duhen udhëtimet për Vashington, apo veç me i thanë: Po, flas serbisht!”, shkruan ndër tjerash Lajçi, përcjellë “Bota sot”.
Postimi i plotë:
Kryeministër!
Mos gabo me ba diçka që neve na bjen mirë, e Serbia ankohet!
Vučič kafshon, ndaj ruhu edhe kur maleve tona çelim udhë!
Le ore lidhjen tonë shpirtnore me Plavë e Guci, se Manastirit e priftit i prishet qejfi. Ashtu e la edhe Rambo Çakorrin.
Pa çka që janë shkua n'rts qinda mia euro, tue u mundua me trasua rrugë drejt ardhmërisë se kombit!
Ç'te duhen bisedimet kur s'guxon fjalën me ia kthye Vuçiqit, he mjerë ne e mjerë ti! Ç'te duhen udhëtimet për Vashington, apo veç me i thanë: Po, flas serbisht!
Ku mbeti Republika e 2008-tës, që Presidenti i Serbisë na udhëheqë!
M'vjen keq që po ta them, por i randë ai urdhën: Ti ndaloni punimet!