Në Kosovë mijëra qytetarë janë arrestuar për mosrespektimin e masave emergjente te vendosura nga autoritetet për frenimin e përhapjes së pandemisë së COVID-19.
Gjykata e lartë e Kosovës publikoi një mendim juridik sipas të cilit vepra “mosveprim sipas dispozitave shëndetësore gjate epidemisë” për të cilën janë kryer arrestimet nuk paraqet bazë për veprime ligjore ndaj qytetarëve.
Ekspertë të drejtësisë thonë se autoritetet kanë bërë shkelje të të drejtave të qytetarëve derisa kanë kryer arrestime dhe shqiptuar dënime në bazë të vendimeve qeveritare për masa kufizuese.
