Deputeti i LDK-së preket nga koronavirusi: Tregon për gjendjen shëndetësore

Aktuale

Deputeti i LDK-së preket nga koronavirusi: Tregon për gjendjen shëndetësore

Më: 25 gusht 2020 Në ora: 23:43
Fetah Rudi

Deputeti i Lidhjes Demokratike të Kosovës, Fetah Rudi, ka folur për gjendjen e tij shëndetësore pas infektimit me koronavirus.

Rudi ka thënë se gjendja e tij shëndetësore aktualisht është pa ndonjë shqetësim ndonëse është duke u trajtuar me terapinë e përcaktuar.

”Pasi përfundova analizat në Malishevë, më rekomanduan të drejtohem në Prishtinë. Aty shkova në Infektivë, më vendosën në Pulmologji – atje më bënë një tretman të mirë doktorët të cilët i falënderoj shumë, sikurse dhe në Infektivë”.

”Më rekomanduan ta bëjë testin për koronavirus në spital”.

Ai po ashtu bëri të ditur se përveç tij askush nga rrethi i tij familjar nuk janë të infektuar me koronavirus.

Megjithatë pavarësisht kujdesit, deputeti i LDK-së ende nuk e di se kush ka qenë kontakti nga dhe ka marrë infeksionin.

”Nuk e di kam pasur shumë kontakte. Por unë mirë jam, besoj që do t’ja dalë dhe do ta kalojë këtë sfidë”.

commentFirst article
Sot mund të lexoni Shfletoni kopertinat