Avokati Tomë Gashi ka thënë se pse duhet të negociojmë me Serbinë.
Përmes një postimi në Facebook, ai ka thënë se në vitin 2008 Kosova u shpall e pavarur por këtë avantazh ndaj Serbisë nuk e shfrytëzuam kurrë, përcjell Bota sot.
Gashi ka thënë se nga bisedimet me Serbinë u nënshkruan 33 marrëveshje, të gjitha në dëm të Kosovës, duke shtuar se dialogu me Serbinë është i dëmshëm për Kosovën sa që ka bërë që të mos ketë as njohje.
Avokati ka pyetur se nëse edhe arrihet marrëveshja për zonën ekonomike Mini-Shengen në territorin e kujt do të ishte, duke shtuar se mos po e humbim shtetësinë, duke biseduar me Serbinë.
Postimi i tij i plotë:
Ku gabuam?
Apo pse duhet të negociojmë me Serbinë?!
Në vitin 2008 e shpallëm Pavarësinë, në vitin 2010 Gjykata ndërkombëtare e Drejtësisë vendosi qartë se: Deklarata e pavarësisë së Kosovës është në përputhje të plotë me të drejtën ndërkombëtare.
Këtë avantazh ndaj Serbisë nuk e shfrytëzuam kurrë.
Për çudi edhe pas kësaj Kosova filloi negociatat me Serbinë që në fillim i quajtën teknike, e që pastaj u shndërruan jo vetëm në politike, por deri në atë të korrigjimit të kufijve, nga vitin 2015 nga bisedimet me Serbinë ‘fituam’: Zajednicën’ apo Asociacionin e komunave me shumicë serbe, që do të ishte shtet brenda shtetit të Kosovës.
Në bisedime me Serbinë u nënshkruan 33 marrëveshje, të gjitha në dëm të Republikës së Kosovës.
Ky dialog me Serbinë është aq i dëmshëm për shtetin e pavarur të Kosovës, sa që njohjet e pavarësisë së Kosovës janë pakësuar në atë masë sa që tani janë ndalur krejtësisht.
Kishim 116 njohje të shtetit të Kosovës, tani thuhet se kemi më pak se 100 !
Agjendë e kujt kanë qenë dhe janë këto bisedime me Serbinë duke e kontestuar edhe vet pavarësinë e Kosovës?
Nëse edhe arrihet marrëveshja për zonën ekonomike Mini-Shengen në territorin e kujt do të ishte, sepse Hong Kongu është pjese integrale e Kinës.
Duke biseduar me Serbinë, mos po e humbin shtetësinë...
Ku gabuam!
