Ish-zëvendësministri i Jashtëm i Kosovës, Petrit Selimi, ka thënë se Shtetet e Bashkuara të Amerikës, do të njoftojnë për heqjen e vizave për Kosovën dhe Serbinë, 45 ditë pas nënshkrimit të marrëveshjes mes Kosovës dhe Serbisë, që u arrit dje në Uashington.
Ai i është referuar mediave të Kosovës, duke dhënë lajmin në Twitter.
“Goditja e fortë e fytyrës ndaj BE-së për qëndrimin e saj racist ndaj Kosovës, mund të vijë nga administrata DC dhe Administrata e Donald Trump: Mediat e Kosovës raportojnë se SHBA do të njoftojë udhëtimin pa viza për Kosovën dhe Serbinë në Shtetet e Bashkuara, 45 ditë pas Marrëveshjes për Normalizimin e Ekonomisë”, ka shkruar Selimi.
Por, atij i ka reaguar i dërguari Special amerikan për dialogun Kosovë-Serbi Richard Grenell, përcjell Bota sot.
Grenell ka mohuar lajmin, duke thënë se një gjë e tillë nuk është e vërtetë.
“Sërish nuk është e vërtetë”, ka shkruar shkurt Grenell në një cicërimë në Twitter./BS
