Ish zëvendësministri i mbrojtjes, Enver Dugolli, ka reaguar ndaj emisarit special të SHAB-ve, Richard Grenell, i cili tha se Kurti është gjithmonë kundër Amerikës.
Përmes një postimi në Facebook, ai ka thënë se 2 bëhen dy dekada që thuhen përpëlitjet dëshpëruese që tentojnë ta njollosin Albin Kurtin, përcjell Bota sot.
Dugolli ka thënë se eskalimi i Grenell duke u rreshtuar me ata që e sulmuan Kurtin për 20 vite, dëshmon krizën e madhe në kampin e të korruptuarve dhe të pa diturve, të cilët duan me çdo kusht ta mbajnë e mirëmbajnë pushtetin e tyre të kontestuar dhe jolegjitim.
Ai ka thënë se idealin e lirisë dhe demokracisë amerikane nuk do mundet të na zbehë askush, qoftë edhe z. Grenell.
Postimi i plotë:
Eskalimi i z.Grenell
Po bëhen gati 2 dekada që dëgjoj përpëlitjet dëshpëruese të një kaste politike të korruptuar që tentojnë ta njollosin Albin Kurtin me lloj lloj etiketa.
Njeriu më i dashur, më i ndershëm dhe më i votuari në dy palë zgjedhjet e fundit, u quajt pro serb, pro rus, pro iranian e çka jo, por prapë nuk bëri punë sepse mbështetja tek qytetarët veç sa po shtohet. Populli nuk është i marrë, ai din ta bënë dallimin.
Eskalimi i z.Grenell duke u rreshtuar me ata që sulmuan Albinin gati që 20 vite, dëshmon krizën e madhe në kampin e të korruptuarve dhe të pa diturve, të cilët duan me çdo kusht ta mbajnë e mirëmbajnë pushtetin e tyre të kontestuar dhe jolegjitim.
Ky sulm nuk do paraqiste asgjë të re sikur kjo të mos vinte nga goja e një zyrtari amerikan i cili do duhej të ishte i vetëdijshëm se me këtë veprim po mbanë anën e gabuar duke goditë pa të drejt jo vetëm për Albinin, por qindra mijëra qytetar që votuan atë.
Mirëpo, idealin e lirisë dhe demokracisë amerikane nuk do mundet të na zbehë askush, qoftë edhe z. Grenell.
Albin Kurti është sinonim i kësaj vlere dhe pa marr parasysh këtyre goditjeve dëshpëruese që vijnë nga kushdoqoftë, ai dhe vizioni i tij për vendin do ketë mbështetje gjithnjë e më të madhe.