Ish zëvendësministri i Kosovës në qeverinë Kurti, Haki Abazi, ka thënë se deputeti Etem Arifi i dënuar nga gjykata është në arrati që nga muaji mars dhe po e sfidon të gjithë sistemin shtetëror.
Këto komente Abazi i bëri në Facebook, në lidhje me rastin e mbrëmshëm ku u rrah një qytetar nga policia e Kosovës.
“Etem Arifi i denuar nga gjykata është në arrati që nga muaji Mars dhe e sfidon të gjithë sistemin shtetëror, ndërsa kërkohet liberalizimi i vizave nga shtetet evropiane dhe rrahen qytetarët para fëmijeve për punën e maskave”, ka shkruar Abazi në Facebook.
Kujtojmë se deputeti Arifi është në cilësinë e të dënuarit.
