Ish–ambasadori i Kosovës në Suedi, Lulzim Peci, ka thënë se Serbia është duke bërë hajgare me marrëveshjen e Uashingtonit, si në raport me Kosovën ashtu edhe me teknologjinë kineze të 5G-së.
Peci përmes një shkrimi të publikuar në llogarinë e tij në Facebook, thotë se kjo sjellje e Serbisë nuk dallon me atë se cfarë bënte Millosheviqi gjatë viteve të 90’ta.
Tutje, ish-ambasadori shpjegon se zgjidhja me efektive është që SHBA-të të shtyjnë përpara anëtarësimin e Kosovës në NATO.
Ja shkrimi:
Serbia ashiqare po bënë hajgare me marrëveshjen e Uashingtonit, si në raport me Kosovën ashtu edhe me teknologjinë kineze të 5G-së.
Me këtë po tregon se sjellja e saj në mos-respektimin e marrëveshjeve nuk ka fort dallim me atë se çfarë bënte Millosheviqi gjatë viteve të 90’ta. Me këtë Vuçiq &Co janë haptas duke e sfiduar kredibilitetin e SHBA-ve. Le të shohim edhe sa do t’i shitet kjo lojë!
Prandaj, zgjidhja me efektive është që SHBA-të të shtyjnë përpara anëtarësimin e Kosovës në NATO. Me këtë do të paralizohet Serbia revizioniste së bashku me ndikimin e patronëve të saj në regjion!
