Haxhiu: Qëllimi Ligjit për Rimëkëmbje Ekonomike është mbi secilin interes partiak

Aktuale

Haxhiu: Qëllimi Ligjit për Rimëkëmbje Ekonomike është mbi secilin interes partiak

Më: 17 shtator 2020 Në ora: 17:54
Teuta Haxhiu

Deputetja e Aleancës për Ardhmërinë e Kosovës, Teuta Haxhiu, ka treguar se edhe sot ishte si pikë e rendit të ditës votimi i Ligjit për Rimëkëmbje Ekonomike, i cili ka dështuar për herë të tretë.

Ajo përmes një postimi në Facebook ka thënë se këtë ligj nuk e votuan VV dhe PDK.

“Në punimet e Kuvendit të Kosovës edhe sot ishte si pikë e rendit të ditës votimi i Ligjit për Rimëkëmbje Ekonomike, për fat të keq as sot nuk u votua nga grupet parlamentare VV dhe PDK”, ka shkruar ajo.

Më tej, ajo ka thënë se qëllimi i këtij ligji është mbi interesat partiake.

“Qëllimi i këtij ligji është mbi secilin interes partiak. Bashkë me ligjin për lehtësira ekonomike, ky ligj është çelës që të ndihmojmë bizneset e Kosovës, indirekt të ndihmojmë qytetarët e vendit”.

Ajo ka thënë se me shumë shqetësim ka marrë edhe pyetje nga qytetarët se kur do të votohet ky ligj.

Postimi i plotë:

 

Në punimet e Kuvendit të Kosovës edhe sot ishte si pikë e rendit të ditës votimi i Ligjit për Rimëkëmbje Ekonomike, për fat të keq as sot nuk u votua nga grupet parlamentare VV dhe PDK.

Qëllimi i këtij ligji është mbi secilin interes partiat. Bashkë me ligjin për lehtësira ekonomike, ky ligj është çelës që të ndihmojmë bizneset e Kosovës, indirekt të ndihmojmë qytetarët e vendit.
Me shumë shqetsim po pranojmë pyetje nga qytetarët e shqetsuar dhe që po presin "teket e deputetëve" Pse?? , dhe kur do të kaloj kjo Pako e Rimëkëmbjes?

Pranoj sjelljet demokratike të partive politike, por jo mosvotimin në Kuvend të Pakos në këtë kohë të vështirë të ballafaqimit me COVID19 për bizneset dhe qytetarë, ky NUK ËSHTË OBLIGIM YNI.

commentFirst article
Sot mund të lexoni Shfletoni kopertinat