Nga Lidhja Demokratike e Kosovës nuk kanë të ndalur “goditjet” ndaj kryetarit Lëvizjes Vetëvendosje, Albin Kurti, pas rastit të Karaçevës.
Për ngjarjen e mbrëmshme një mesazh ka dhënë edhe Bajram Gecaj, i cili tashmë është këshilltari i Ministrit të Punëve të Brendshme, Agim Veliut, i cili njëherit është edhe nënkryetar i LDK-së.
Gecaj e ka bërë këtë përmes një shkrimi në llogarinë e tij në Facebook, përcjell “Bota sot”.
Ai ka kujtuar një deklaratë të djeshme të ministrit Veliu, i cili gjatë seancës së Kuvendit të Kosovës e zbuloi se për një interevnim të ngjashëm në Karaçevë ish-kryeministri Kurti e kishte penguar në shkurt të këtij viti, sa ishte në krye të qeverisë.
Gecaj për Veliun thotë se është njeriu që realizoi premtimin e tij brenda orësh.
Ja shkrimi i Gecajt:
“Në shkurt më pengoi Kurti, tash s’më ndalë askush. Atë punë do ta bëjë dhe ndoshta do ta dëgjoni shumë shpejtë, do ta bëjë”!
Njeriu i cili brenda orësh realizon premtimin - Agim Veliu!
