Edhe deputeti i Lëvizjes Vetëvendosje Eman Rrahmani, ka reaguar pas aksionit të Policisë në Karaçevë.
Atje janë rrënuar kazino dhe qenda të prostitucionit e kontrabandës, derisa janë arrestuar edhe zyrtarë policor.
Sipas Rrahmanit, bashkë më kazinot e prostitucionin, duhet të largohet edhe qeveria, të cilën e ka quajtur “ilegale”, përcjell Bota sot.
Reagimi i plotë në Facebook:
Deri dje qendër e bixhozit, prostitucionit, kontrabandës, shitjes së narkotikëve. Sot e rrënuar. Gjërat mund të ndryshohen edhe brenda orëve.
Aktivizimi qytetar, angazhimi politik detyron çdo pushtet të veproj, madje edhe atë ilegal. Bashkë me kazinot e prostitucionin duhet të largohet edhe kjo qeveri ilegale.