35 të arrestuar në Karaçevë - 12 policë, aksioni do të vazhdojë

Aktuale

35 të arrestuar në Karaçevë - 12 policë, aksioni do të vazhdojë

Më: 19 shtator 2020 Në ora: 14:39
Pamje nga konferenca

(E plotësuar) - Të gjitha kazinotë ilegale që tash e dy vjet po ushtronin veprimtaritë e tyre në fshatin Karaçevë të Kamenicës, janë rrënuar mbrëmë. Të premten gjatë një aksioni janë arrestuar 35 persona, ku prej tyre edhe 12 zyrtarë policorë të cilët dyshohen për kontrabandim me mallra dhe mundësim të qytetarëve për të ushtruar këtë veprimtari. Ndër tjera, janë konfiskuar edhe 120 aparate dhe gjësende tjera, të cilat shërbejnë si prova materiale.

Kryeprokurori i Prokurorisë Themelore në Gjilan, Jetish Maloku ka informuar se pas një hetimi të gjatë një vjeçar, mbrëmë në këtë fshat është realizuar aksion ku janë arrestuar 35 persona të dyshuar, ku prej tyre janë 12 zyrtarë policorë.

Maloku: Deri më tani janë arrestuar 35 persona të dyshuar

"Prokuroria Themelore në Gjilan pas një hetimi të gjatë gati 1 vjeçar është gjatë mbrëmjes së djeshme në bashkëpunim me PK-në, pastaj edhe agjencitë tjera të zbatimit të ligjit është realizuar aksioni në këtë pjesë të Kosovës konkretisht në fshatin Karaçevë- komuna e Kamenicës si dhe të rajonin e Prishtinës dhe rajone të tjera. Hetimi ka filluar për shkak të pretendimeve për elemente kriminale. Nga ky aksion me urdhër të prokurorisë deri më tani janë arrestuar 35 persona të dyshuar prej tyre 12 zyrtarë policorë, kontrabandistë e pronarë të kazinove. Gjatë aksionit janë rrënuar të gjitha kazinot që kanë vepruar në atë pjesë dhe janë konfiskuar gjë sende të ndryshme si prova materiale që dyshohet se janë përdorur në aktivitetet e tyre kriminale", tha ai.

Ai tha se operacioni do të vazhdojë edhe më tej, meqë sipas tij ka persona të dyshuar.

Maloku: Aksioni do të vazhdojë

"Kemi edhe persona të tjerë të dyshuar, aksioni do të vazhdon....kemi, kemi por ne e dimë, ne do të ju informojmë me kohë", shtoi ai.

I pyetur për lidhshmërinë e këtij aksioni me seancën e djeshme në Kuvendin e Kosovës ku ministri Agim Veliu kishe raportuar për hyrjen e xhandarmërisë serbe në këtë anë, ai tha se

Maloku: Hetim gati 1 vjeçar të këtyre aktiviteteve kriminale

"Ne kemi hetim gati 1 vjeçar të këtyre aktiviteteve kriminale në këtë pjesë të Kosovës, konkretisht në fshatin Karaçevë të komunës së Kamenicës. Kjo është në dorën tonë kur ne e kem vlerësua bashkë me PK-në, IPK-në dhe agjencitë tjera, se kur ne kem gjet kohën ose ditën më të përshtatshme ta godasim me aksionin tonë këto grupe kriminale që kanë veprua. Nuk ka kurrfarë lidhje më këtë por ne kemi gjet ditën e përshtatshme për goditjen e tyre", ka deklaruar ai.

Ndërsa, majori në Policinë e Kosovës, Zejnullah Surdulli theksoi se ky operacion ka pasur për qëllim luftimin e veprave penale dhe aktivitete të tjera kriminale.

Surdulli: Të gjitha objektet që janë gjetur në këtë zonë janë të rrënuara

"Janë sekuestruar 120 aparate, 6 shtëpiza kompjuteri, një armë me gaz, një karikator AK... Të gjitha objektet që janë gjetur në këtë zonë janë të rrënuara për shkak se kanë qenë hapësira që janë shfrytëzuar për veprimtari kriminale. Në zonën e Prishtinës janë zhvilluar r bastisje dhe si rezultat janë konfiskuar materiale.. 25 aparate dhe mjete monetare që arrijnë shifrën 3950 euro. Në mesin e ndaluar kemi 3 persona në këtë zonë", theksoi ai.

Ushtruesi i detyrës së udhëheqësit të Inspektoratit të Policisë së Kosovës, Kushtrim Hodaj tha se janë 12 zyrtarë policorë të cilët janë ndaluar, dhe se të njëjtit po dyshohen për kontrabandim me mallra dhe organizim të skemave piramidale.

Hodaj: Janë arrestuar 12 zyrtarë policorë

" Janë arrestuar 11 zyrtarë policorë, 8 të nacionalitetit shqiptar, 3 të nacionalitetit serb. Sot është arrestuar edhe zyrtari i fundit që ka qenë në listë, dhe numri total është 13 zyrtarë policorë të arrestuar. Punonjësit e ndaluar me vendimi të prokurorit janë ndaluar për 48 orë dhe janë suspenduar si pjesë e punës administrative. Veprat për të cilat dyshohen zyrtarët policorë janë kontrabandim me mallra dhe organizim i skemave piramidale dhe bixhozit të paligjshëm", ka shtuar Hodaj.

Sipas Hodajt nuk është gjë e mirë që zyrtarët policorë janë përfshirë në veprimtari kriminale por është gjë e mirë që janë arrestuar.

Tash e sa kohë banorët e brezit kufitar, kishin shprehur shqetësimin e tyre për ndërtimin e kazinove ilegale. Në ditën kur në Kuvendin e Kosovës, po mbahej seancë për raportimin e ministrit Agim Veliu pas hyrjes së xhandarmërisë serbe në fshatin Karaçevë, në mbrëmje filloi aksioni për rrënimin e kazinove.

Megjithatë, po thuhet se nuk ka asnjë lidhshmëri me seancën e djeshme, por që ka qenë koha e përshtatshme për goditjen e këtyre grupeve kriminale.

IPK: Tetë policë shqiptarë e tre serbë u arrestuan në Karaçevë

Kushtrim Hoda nga IPK-ja ka thënë se janë arrestuar tetë policë shqiptar e tre serb nga aksioni I mbrëmshëm i Policisë së Kosovës në Karaçevë e zona të tjera.

Ndërkaq, arrestimin e tyre nuk e ka vlerësuar gjë të mirë.

“ 8 shqiptar, 3 serbë, sot është arrestuar zyrtari i fundit që ka qenë në listë. Gjithsej janë 12. Nuk është gjë e mirë që zyrtarët policor janë përfshirë në veprimtari kriminale por është gjë e mirë që janë arrestuar”, ka thënë ai.

Surdulli: 12 lokacione u bastisën në Karaçevë, bastisje pati edhe në Prishtinë

Zejnullah Surdulli nga Policia e Kosovës, ka thënë se nga operacioni policor i mbrëmshëm në Karaçevë të Kamenicës, janë kontrolluar 12 lokacione që dyshoheshin për veprimtari të jashtëligjshme.

Ai në konferencë për media ka thënë se janë konfiskuar 120 aparate dhe materiale të tjera.

“Operacioni ka pas për qëllim luftimin e veprave penale, kontrabandimin me mallra, trafikimi me njerez, ofërimi i lokaleve per prostitucion, etj. Zona e Karaçevës është ushtruar urdhër kontroll në 12 lokacione të cilat kanë qenë objekte të kazinos, janë arrestuar 7 persona të cilët kanë rezultuar të jenë klient të tyre. 120 aparate 6 shtëpiza kompjuteri, etj. Të gjitha objektet që janë gjetur në këtë zonë janë të rrënuara për shkak se kane qenë hapësira që janë shfrytëzuar për veprimtari kriminale”, tha ai.

Surdulli tha se edhe në Prishtinë kanë ndodhur bastisje të tilla, ku nga aty janë arrestuar tre persona.

“Në zonën e Prishtinës janë zhvilluar bastisje dhe si rezultat janë konfiskuar materiale, 25 aparate dhe mjete monetare që arrijnë shifrën 3950 euro. Në mesin e ndaluar kemi 3 persona në këtë zonë”.

Kryeprokurori i Gjilanit: Janë arrestuar 35 të dyshuar, 12 prej tyre policë

Kryeprokurori i Prokurorisë Themelore në Gjilan, Jetish Maloku, ka thënë se që nga mbrëmë janë arrestuar 35 persona, ndër ta 12 policë, në aksionin policor për kapjen e veprimtarive të kundërligjshme.

Ai gjatë konferencës për media, ka njoftuar se janë konfiskuar edhe një sërë materiale të dyshimta.

“Prokuroria Themelore në Gjilan pas një hetimi te gjatë gati 1 vjecar është realizuar aksion në këtë pjesë të Kosovës konkretisht në fshatin Karaçeve komuna e Kamemicës si dhe të rajonin e Prishtinës dhe rajome të tjera. Nga ky aksion me urdhër të prokurorisë deri më tani janë arrestuar 35 të dyshuar prej tyre 12 zyrtarë policor komtrabandist e pronarë të kazinove. Gjatë aksionjt janë rrënuar të gjitha kazinor që kanë vepruar në atë pjesë dhe janë konfiskuar gjë sende të ndrysjem ssi që dyshohet se janë përdorur në veprimtarinë e tyre”, tha ai.

Mbrëmë, Policia e Kosovës, Inspektorati Policor dhe agjencitë tjera bashkëpunuese kanë ekzekutuar urdhërkontrolle në fshatin Karaçevë, komuna e Kamenicës, në rajonin e Prishtinës dhe lokacione tjera.

Shfaq komentet
comments powered by Disqus
Sot mund të lexoni Shfletoni kopertinat