Zëvendësministri i Punëve të Brendshme, Bajram Gecaj, nuk i ndal sulmet ndaj ish-kryeministrit Albin Kurti.
Ai ka zgjedhur që ta quaj "maçorr" kreun e Lëvizjes Vetëvendosje.
Ai e ka shfrytëzuar rrjetin social Facebook, për të bërë pjesë e debatit për aksionin e policisë në Karaçevë, i cili ishte paralajmëruar disa muaj më herët, por i njejti nuk ishte lejuar nga kryeministri i athershëm Albin Kurti, me arsyetimin se nuk kishte detaje të bollshme të prezentuara nga ana e MPB-së, e cila në atë kohë udhëhiqej nga Agim Veliu, nënkryetar i LDK-së.
"Jo m’ka thonë Agimi k’shtu, jo ashtu, jo të hanën, jo të martën etj ejt ...Sido që ta gjuajsh maqorrin (lexo Albinin) në këmbë bjen!" ka shkruar Gecaj.
