1880 raste aktive me Covid-19, si krahasohet Kosova me shtetet e rajonit

Aktuale

1880 raste aktive me Covid-19, si krahasohet Kosova me shtetet e rajonit

Më: 20 shtator 2020 Në ora: 22:30
Foto ilustrim

61 raste të reja janë raportuar me Covid-19 në raportin 24 orësh të IKSHPK-së.

Numri total i të prekurve është 15,063. 613 persona kanë vdekur deri më tani pasi janë prekur nga kjo sëmundje ndërkohë që 12,570 janë shëruar. 1880 raste janë aktive me virusin Covid-19.

Kosova prej fillimi të pandemisë ka kryer 62,011 testime.

Por si krahasohet gjendja në rajon me pandeminë?

Mali i Zi ka në total 7,898 raste me Covid-19 të konfirmuara. 134 kanë humbur jetën pasi janë prekur me virus, janë shëruar 5,129 ndërsa raste aktive janë 2,635. Mali i Zi ka kryer 61,307 testime deri më tani.

Maqedonia e Veriut ka 16735 raste të konfirmuara, 693 vdekje, 13,863 të shëruar, 2,179 raste aktive ndërsa janë kryer 175,465 testime.

Shqipëria ka 12,385 raste në total. 362 persona kanë humbur jetën, 6,940 janë shëruar ndërsa aktiv me Covid-19 janë 5,083. Shqipëria ka bërë 75,331 testime deri më tani.

Serbia ka  32,908 raste të konfirmuara. 741 persona kanë humbur jetën ndërsa janë shëruar 31,411. Aktiv për momentin janë 756 raste derisa janë kryer 1,072,801 testime.

Bosnja e Hercegovina ka në total 25,428 raste. 763 të vdekur. 17,878 të shëruar. 6,787 janë aktiv. Janë kryer gjithsej 220,278 testime.

commentFirst article
Sot mund të lexoni Shfletoni kopertinat