Ministri i Punës dhe Mirëqenies Sociale Skender Reçica, ka njoftuar se ka ndarë proporcionalisht nga 2 mijë e 733 euro për deputetët e legjislaturës së vitit 90-të së Kuvendit të Kosovës.
Reçica tha se 105 për deputetët që nuk janë në jetë këtë shumë do ta trashëgojnë familjarët e tyre.
“Sot para kabinetit qeveritar, paraqita propozimin për miratimin e vendimit për kompensimin financiar të njëhershëm për delegatët e legjislaturës së vitit 1990. Janë këta delegatë të cilët kanë marrë pjesë në mbledhjen e Kuvendit të Kosovës me datë 2 Korrik dhe 7 Shtator dhe kanë vazhduar mbajtjen e mbledhjeve deri më 24 Maj 1992”.
“Nga ky vendim 105 deputetë do të përfitojnë proporcionalisht shumën prej 2.733 euro. Për ata deputetë që nuk janë në jetë, kompensimin e plotë financiar të njëhershëm, do e gëzojnë bashkëshortja/e veja e deputetit apo fëmija deri në moshën 18 vjeçare, ndërsa nëse janë në studime deri në moshën 26 vjeçare”.
Postimi i plotë
Të dashur qytetarë,
Po ndaj sot me ju një lajm shumë të mirë për 105 deputetët e legjislaturës së vitit 1990.
Sot para kabinetit qeveritar, paraqita propozimin për miratimin e vendimit për kompensimin financiar të njëhershëm për delegatët e legjislaturës së vitit 1990.
Janë këta delegatë të cilët kanë marrë pjesë në mbledhjen e Kuvendit të Kosovës me datë 2 Korrik dhe 7 Shtator dhe kanë vazhduar mbajtjen e mbledhjeve deri më 24 Maj 1992.
Nga ky vendim 105 deputetë do të përfitojnë proporcionalisht shumën prej 2.733 euro. Për ata deputetë që nuk janë në jetë, kompensimin e plotë financiar të njëhershëm, do e gëzojnë bashkëshortja/e veja e deputetit apo fëmija deri në moshën 18 vjeçare, ndërsa nëse janë në studime deri në moshën 26 vjeçare.
Me këtë vendim të sotëm, qeveria e Kosovës, përmbushi edhe një obligim ndaj atyre që në kohë të vështira patën guximin intelektual e kombëtar që të jenë krah me popullin duke shpallur Kosovën Republikë dhe duke nxjerrur Kushtetutën e Kaçanikut, akte këto të cilat paraprinë zhvillime të mëdha në vitet e mëpasme në vendin tonë.