Ministri i Punëve të Brendshme, Agim Veliu, sot ka emëruar kordinatorët nacional, zëvendsministrat e MPB-së për strategji të caktuar.
Këtë, Veliu e bëri të ditur përmes një njoftimi në facebook, ku Agron Bacaj, Zafir Berisha, Milan Radojevic dhe Yildiray Bajram u emëruan në pozita të caktuara në MPB, përcjell “Bota sot”.
Postimi i plotë
Në bazë të kompetencave dhe përgjegjësive si Ministër i Punëve të Brendshme, sot emërova në cilësinë e koordinatorëve nacional, zëvendës ministrat e Ministrisë së Punëve të Brendshme për stategjitë e përcaktuara :
Agron Bacaj - autorizohet të ushtroj detyrat dhe përgjegjësitë e:
- Koordinatorit Nacional kundër krimit të organizuar,
- Koordinatorit Nacional për parandalimin e krimit dhe
- Koordinatorit Nacional për kontrollin e armëve të vogla, të lehta dhe eksplozivëve
Zafir Berisha - autorizohet të ushtroj detyrat dhe përgjegjësitë e:
- Koordinatorit Nacional për Siguri Kibernetike, dhe
- Koordinatorit Nacional për Menaxhimin e Emergjencave.
Milan Radojević - autorizohet të ushtroj detyrat dhe përgjegjësitë e:
- Koordinatorit Nacional kundër narkotikëve;
- Koordinatorit Nacional për siguri në bashkësi, dhe
- Koordinatorit Nacional kundër trafikimit me njerëz.
Yildiray Bajram – autorizohet të ushtroj detyrat dhe përgjegjësitë e:
- Koordinatorit Nacional për Menaxhim të Integruar të Kufirit;
- Kordinatorit Nacional për Riintegrim, dhe
Riatdhesim të Personave dhe të Koordinatorit Nacional për Migrim.