Kryetari i AAK-së, Ramush Haradinaj ka kujtuar heronjët Fehmi e Xhevë Lladrovci në 22 vjetorin e rënies së tyre.
Ai përmes një shkrimi në Facebook ka thënë se, ata ishin krah i fortë i lëvizjes për liri e pavarësi dhe se historia do i mbaj mend si dy viganë, që me guxim e trimëri dhanë gjithçka për shqiptarët
Postimi në Facebook:
Heronjtë Fehmi e Xhevë Lladrovci ishin pjesë e rëndësishme e rrugëtimit tonë të lavdishëm, krah i fortë i lëvizjes për liri e pavarësi. Gjithmonë të parët në rresht, ata luftuan dhe ranë bashkë. Kujtojmë gjithashtu rënien e bashkëluftëtarëve të tyre Fatime Hetemi e Shefqet Zekaj dhe heroizmin e Brigadës 114, që nderoi emrat e tyre deri në ditën e fitores.
Historia do i mbaj mend si dy viganë, që me guxim e trimëri dhanë gjithçka për shqiptarët.
Lavdi!
RH