Edhe në zyrën e veteranëve dikush e çon propozim aktakuzën për Thaçin dhe Veselin, publikohen edhe emrat tjerë

Aktuale

Edhe në zyrën e veteranëve dikush e çon propozim aktakuzën për Thaçin dhe Veselin, publikohen edhe emrat tjerë

Më: 22 shtator 2020 Në ora: 12:04
OVL e UÇK

(E plotësuar) - Organizata e veteranëve të UÇK’së, në një konferencë për media ka bërë të ditur se edhe sot dikush ka lënë dosje të reja për të cilat thonë se kanë dyshime se janë të Speciales.

“Sot ka qenë më i shpejtë se rrufeja. Rreth orës 15 minuta në 11 kanë ardhë dosje të tjera, na supozojmë që janë të dalura nga Gjykata Speciale. Ka emra të ndryshëm që ne sjemi të autorizuar me i përmend, është mirë që cdo gjë të hetohet edhe nga prokuroria vendore, me ditë kush po i sjell po i bjen te na. Kjo Gjykata ka bashkëpunu gjithmonë me Serbinë”, ka thënë kreu i organizatës, Hysni Gucati.

Nënkryetari i OVL-UÇK, Nasim Haradinaj ka bërë të ditur edhe emrat të cilat përmenden në propozim aktakuzën që sot iu është dërguar në zyrë.

“Flitet për dyshime, për ngritje të aktakuzave, për aktakuza që do të ngriten. Më gjatë se kisha qu, ky është njoftimi.  Cdo dokument që na vjen prej tyre ne do ta bëjmë publike. Është një propozim aktakuzë, Hashim Thaci, Azem Syla, Jakup Krasniqi, Rexhep Selimi, Kadri Veseli. Pëmenden edhe Xhavit Haliti dhe disa zona”, ka thënë ai.

***

Organizata e Veteranëve të Luftës së Ushtrisë Çlirimtare të Kosovës ka thënë të martën se për herën e tretë ka pranuar dosje të Gjykatës Speciale.

Në një konferencë për media, kreu i saj, Hysni Gucati ka thënë se në dokumentet e pranuara ka figura të ndryshme të përmendura, “për të cilat ne s’jemi të autorizuar t’i përmendim”.

Sipas tij, në dokumentet e reja flitet për ngritje të aktakuzave.

Nënkryetari Nasim Haradinaj, ka thënë se në dokumente është një draft-aktakuzë ish-figura udhëheqëse të UÇK-së.

Ai ka thënë se në dosjet e sjella janë të përmendura numër i madh i vendeve në Kosovë.

Haradinaj ka thënë se nga personi që i ka sjellë dosjet është lënë porosi se tashmë do të sjellë CD.

commentFirst article
Sot mund të lexoni Shfletoni kopertinat