Ministri i Tregtisë dhe Industrisë Vesel Krasniqi, së bashku me inspektorët e tregut sot kanë vizituar dy markete ushqimore për të parë nga afër se a po respektohen vendimet për ndalimin e importit të vajit të palmës.Këtë e ka bërë të ditur përmes një postimi në Facebook.
Ai shtoi se ndjehet i kënaqur nga vendimi që është duke u zbatuar, përcjell "Bota sot".
Postimi i plotë:
Bashkë më inspektorët e tregut sot isha në dy markete ushqimore për të parë nga afër ndikimin e vendimit që ndalon importin e vajit të palmës.
Jam shumë i kënaqur që vendim im është duke u zbatuar në përpikëri.
Ishte me rëndësi që produktet me përmbajtje shtazore dhe ato me yndyrë bimore ishin ndarë dhe konsumatori e ka shumë më lehtë që të jetë i informuar se çfarë produkti po konsumon.
Bashkë me Agjencinë e Ushqimit dhe Veterinës do të kryhen edhe disa analiza në disa produkte për të vërtetuar përmbajtjen dhe cilësinë e tyre.
