Gani Geci, i cili është direkt në një televizion duke dhënë intervistë pas kthimit nga Haga, thotë se pyetja e parë nga Prokurorët e Speciales ka qenë për Komunikatën numër 59.
Geci thotë se, Prokurorëve të Gjykatës Speciale, ju ka interesuar edhe vrasja e Adem Jasharit, sipas tij ata kanë pyetur nga A-ja deri në Zh.
Sipas Gecit një pikë e veçantë është edhe vrasja e kundërshtarëve politik.
Ai thotë se e kanë pyetur për raportet e Hashim Thaçit dhe Rexhep Selimit me Adem Jasharin.
Sipas Gecit, Thaçi e Selimi nuk i kanë pasur punët mirë as ndërmjet vete e as me Adem Jasharin.
Geci tutje tha se Prokurorët janë interesuar me i ditë raportet e të gjithëve me të gjithë.
“Unë s’kam naj mundësi me fol më tepër, por sikur raportet e mia me të tjerëve ashtu edhe të Adem Jasharit me Shtabin e Përgjithshëm janë kanë të interesuar me ditë. S’kanë qenë të interesuar për luftën Kosove - Serbi, sepse i kam treguar se ne e kemi ba atë luftë qysh kemi mujt e qysh kemi ditë, sepse e kemi marr edhe fuqinë e NATO që ka intervenu, e pas kësaj edhe GJND-ja e ka legjitimiu shpalljen e pavarësisë së Kosovës, ata kanë dashur me ditë se pse janë ba vrasje te kundërshtarëve politike dhe kush i ka ba”, tha Geci.