Ish-zëvendëskryeministri i Kosovës, Haki Abazi nga Lëvizja Vetëvendosje, ka akuzuar përsëri presidentin e Kosovës, Hashim Thaçin për krijimin e Gjykatës Speciale.
Abazi përmes një postimi në Facebook, thotë se, Gjykata Speciale e formuar nga Hashim Thaçi dhe siç thotë ai, kapësit e tjerë të shtetit, po i akuzojnë dhe gjykojnë vetëm shqiptarët.
Ndërsa shton se, Shesheli i ulur në parlamentin e Serbisë, dhe Serbia nuk ka kërkuar falje për gjenocidin që ka bërë në Kosovë.
Abazi tutje pohon se, edhe pas 20 vjetëve, vrasësit e vëllezërve Bytyçi dhe mbi 1000 fëmijëve shqiptarë janë të lirë.
Postimi i plotë:
Shesheli i ulur në parlamentin e Serbisë, Serbia nuk ka kërkuar falje për gjenocidet që ka bërë në Kosovë. Edhe sot pas 20 vite, vrasësit e vëllezërve Bytyçi dhe mbi 1000 fëmijëve shqiptarë janë të lirë, ndërsa Gjykata e dhomave të specializuara e formuar nga Thaçi dhe kapësit tjerë të shtetit akuzojnë e gjykojnë vetëm shqiptarët.