Kanë kaluar gjysmë viti prej kur qytetarët e vendit tonë, si edhe në shumicën e shteteve në botë, po vazhdojnë të ballafaqohen me pandeminë COVID-19.
Ndërsa, thirrja e institucioneve gjegjëse është ajo për respektim të masave anti-COVID, tashmë e miratuar edhe me Ligj në Kosovë, në të kundërtën po shqiptohen edhe gjoba.
Por, kryetarja e Kuvendit, Vjosa Osmani, duket se nuk e ka “vrarë” mendjen për qytetarët që sot mblodhi.
Osmani gjatë një takimi me qytetarët, të cilët u mblodhën për ta takuar e dëgjuar atë, s’respektuan asnjë masë të vetme për t’u mbrojtur nga virusi korona.
Derisa e para e Kuvendit, ishte përballë tyre e me maskë, në anën tjetër para tyre, ishin qytetarët që asnjëri nga ta s’kishte as maskë, por as distanca sociale nuk respektohej.
Kjo u pa edhe në një kafiteri, ku Osmani kishte mbledhur dhjetëra gra.
