Kryeministri Avdullah Hoti përmes një postimi në Facebook, ka bërë të ditur se sot ka pasur një takim pune me kabinetin qeveritar lidhur me realizimin e programit të Qeverisë, përcjell "Bota sot".
Ai më tej ka shtuar se ky mobilizim i Kabinetit është një mundësi e mirë që Kosova t'i kthehet normalitetit.
Postimi i plotë:
Në takim pune me kabinetin qeveritar për realizimin e programit të Qeverisë në 100 ditshin e parë dhe aktivitetet e parapara, me theks të veçantë në Pakon për Rimëkëmbje, planin legjislativ dhe planin investiv 2021-25.
Ne po përballemi me sfida të rëndësishme dhe ky mobilizim i Kabinetit është një mundësi për të hartuar një rrugë të qartë drejt një Kosove që i kthehet normalitetit, më të zhvilluar dhe me prosperitet për të gjithë pa dallim.
