Kryetari i OVL-së së UÇK-së, Hysni Gucati, ka dalë sot në paraqitjen e tij të parë para Gjykatës Speciale pas arrestimit të tij që ndodhi javën e kaluar.
Ai ka thënë sot se Zyra e Prokurorit të Specialzuar nuk ka pasur nevojë që ta arresonte, ashtu sic veproi.
“Do të dorëzohesha”, është shprehur ai.
“Nuk ka qenë e nevojshme që të vinin policia e EULEX për të më arrestuar”.
Gucati i është përgjigjur gjyqtarit të procedurës paraprake se një orë e gjysmë pas arrestimit e ka kontaktuar të birin e tij se është prangosur.