Kryetari i Odës Ekonomike të Kosovës, Berat Rukiqi ka kërkuar nga deputetët e Kuvendit të Kosovës, që mos të votojnë për heqjen e homologimit të automjeteve të reja.
Këtë dokument të OEK-ut e ka siguruar gazeta “Bota sot”, ku Rukiqi kërkon që mos të bëhet heqja e homologimit, për shkak se, më e rëndësishme është mbrojtja e qytetarëve nga ndotja e automjeteve të veturave sesa efekti politik elektoral i heqjes së një kontrolli të domosdoshëm para vënies së tyre në shërbim në trafikun e Kosovës.
Mirëpo, vendimi i Ministrisë së Infrastrukturës është përshëndetur nga Zyra e Bashkimit Europian në Kosovë.
“E mirëpresim vendimin e Ministrisë së Infrastrukturës për të hequr homologimin e automjeteve të reja të importuara të cilat janë të prodhuara për tregun e vendeve të Bashkimit Europian si hap i drejtë drejt heqjes së barrierave me të cilat po përballen konsumatorët e Kosovës”, thuhet në një reagim të Zyrës së BE-së në Kosovë.
Zyra e Bashkimit Europian kërkon që e njëjta qasje të aplikohet për të gjitha veturat e importuara që i plotësojnë standardet europiane, duke përfshirë edhe veturat e përdorura.
Pas këtij reagimit të BE-së, shtrohet pyetje se pse Rukiqi kërkoi mos heqjen e homologimit?
A është ai në shërbim të qytetarëve, apo dëshiron monopol të Devollve, të cilët janë të përfshirë në krejt sferat ekonomike në Kosovë?