Komisioni për Sëmundjet Infektive të Maqedonisë së Veriut ka propozuar heqjen e testit PCR për Kosovën.
E kjo ka zgjuar reagimin e ministrit të Shëndetësisë Armend Zemaj, i cili shpreson që ky propozim të marrë ‘dritën jeshile’ edhe nga ana e Qeverisë së shtetit fqinj.
Ai ka thënë se numri i të infektuarve në Kosovë me COVID-19, nuk përbën rrezik.
“Përshëndes propozimin për hapjen e kufijve pa test PCR. Uroj që Qeveria e Maqedonisë Veriore ta miratojë këtë propozim”, ka shkruar Zemaj në Facebook.